ДҮТ ТӨХХК-ийн 2025 оны 06 дугаар сарын 03-ны өдрийн 02/746 дугаартай албан даалгаврын хүрээнд Үндсэн болон туслах тоноглолд галын аюулаас урьдчилан сэргийлэх удирдамжит ээлжит бус үзлэг шалгалтыг 2025 оны 06 дугаар сарын 16, 17, 18-ны өдрүүдэд зохион байгуулж, нэгжүүдэд илэрсэн зөрчлүүдийг устгах гал түймрийн улсын хяналтын байцаагчийн хугацаатай албан даалгаврыг өгч, хэрэгжилтийг хангуулснаас гадна компанийн ажилтнуудын гал түймрийн үед шуурхай ажиллах дадал, мэдлэгийг дээшлүүлэх зохион байгуулалтын арга хэмжээг авч, Орхон аймгийн Онцгой байдлын газартай хамтарсан гал түймэр унтраах, аврах тактикийн сургуулийг 2025 оны 09 дүгээр сарын 26-ны баасан гаригт амжилттай зохион байгууллаа. Тактикийн сургуулийн хүрээнд дараах 4 үе шаттай үйл ажиллагааг явууллаа. Үүнд:

1. Тактикийн сургууль зохион байгуулахтай холбоотой урьдчилсан танхимын сургалт;
2. Турбин цехийн Гал унтраах, аврах сайн дурын бүлгэмийн үйл ажиллагаа;
3. Дотоодын цэргийн 821 дүгээр тусгай салбарын хамгаалалтын үйл ажиллагаа;
4. Гал түймэр унтраах, аврах 56 дугаар ангийн үйл ажиллагаа;