• Монгол улс, Орхон аймаг, Баян-Өндөр сум, Баянцагаан баг, "Эрдэнэтийн ДЦС" ТӨХК
  • +976 70350585
  • info@erdenetpp.energy.mn
КОМПАНИЙН ТАНИЛЦУУЛГА
173 ХҮН ҮЗСЭН БАЙНА

“Эрдэнэтийн Дулааны цахилгаан Станц” Төрийн өмчит хувьцаат компани нь “Таны гэрэл, дулаантай, ая тухтай амьдрах нөхцөлийг бид хангана” гэсэн Эрхэм зорилготойгоор үйл ажиллагаагаа явуулж байна. 
Станцын эхний ээлж 1987 оноос ашиглалтад орж цахилгаан, дулаан үйлдвэрлэж эхэлснээс хойш 35 дахь жилдээ Эрдэнэт хотын ард иргэдийг дулаан, цахилгааны эрчим хүчээр тасралтгүй, найдвартай ханган ажиллаж байна.
“Эрдэнэтийн Дулааны Цахилгаан Станц” ТӨХК нь 7 зуух, 4 турбинтэй, цагт 425,5 Гкал/цаг дулаан, 71 МВт.цаг цахилгаан эрчим хүч үйлдвэрлэх чадалтай бөгөөд 1 алба, 5 хэлтэс, 8 цехийн зохион байгуулалттай, 464 хүнтэйгээр, 24 цаг тасралтгүй үйл ажиллагаа явуулан ажиллаж байна.
2021 онд 49.9 тэр бум төгрөгийн зардал гаргаж, 50 тэрбум төгрөгийн орлоготой, 60 сая төгрөгийн ашигтай ажиллалаа.


Байгууллагын амжилтаас:

  • Монгол улсын хэмжээнд зарласан “Нийгмийн хариуцлагатайгаа нийтэд зарлая” уралдаанд шилдэг 9 байгууллагын нэгээр 2011 онд, 
  • Монгол улсын эдийн засаг, нийгмийн хөгжилд оруулж буй хувь нэмрээр Монгол улсын Засгийн Газар, Үндэсний Худалдаа Аж Үйлдвэрийн Танхимаас жил бүр зохион байгуулдаг “ТОП-100”-д 9 удаа, “ТОП-150”- д 8 удаа, 
  • “Шилдэг татвар төлөгч” байгууллагаар 6 удаа, 
  • “Шилдэг нийгмийн даатгалын шимтгэл төлөгч” байгууллагаар 4 удаа,  
  • ТӨБЗГ-ын “Өмч эзэмшлийн гэрээ дүгнэлт”-ээр 2019 онд “Онц дүнтэй” үнэлгээ,
  • 4 жилд 1 удаа хийдэг Төрийн Өмчийн үзлэг, тооллогоор 2019 онд “Бүрэн хангалттай” үнэлгээ,
  • Түлш эрчим хүчний салбарын байгууллагуудын дунд зохиосон “Дархан-2005” спортын наадамд 3-р байр, 
  • “Эрдэнэт-2007” спортын наадамд 1-р байр, 
  • “Улаанбаатар-2010” спортын наадамд 2-р байр,
  • Орхон аймгийн “Нийгмийн зөвшлийн гурван талт хамтын хэлэлцээрийг хэрэгжүүлэгч шилдэг байгууллага”- аар 5 удаа Тэргүүн байр,
  • “Хөдөлмөр нийгмийн хамгааллын яам”, “ХАБЭМТ”, “ХАБЭА-н үндэсний хороо”, “НДЕГ”, “МХЕГ” хамтран жил бүр уламжлал болгон зохион байгуулдаг “Эрүүл аюулгүй ажлын байрыг эрхэмлэгч байгууллага” шалгаруулах улсын уралдаанд 2020 онд тэргүүн байр, 
  • Монгол Улсын хэмжээнд зохион байгуулагдсан “Анхны тусламжийн Улсын анхдугаар уралдаан 2019”-д Тэргүүн байр,
  • Орхон аймгаас зарласан “Цар тахлын үед цусаа бэлэглэе” сайн үйлсийн аянд 2021 онд тэргүүн байранд тус тус шалгарсан байна.

Байгууллагын ажилтнуудын амжилтаас:

  • Эрчим хүчний тэргүүний ажилтан 230, бусад салбарын тэргүүний ажилтан 39, 
  • Хөдөлмөрийн хүндэт медалиар 19, 
  • “Алтангадас” одонгоор 28, 
  • “Хөдөлмөрийн гавьяаны улаан туг”-ийн одонгоор 3, 
  • Аж үйлдвэрийн гавьяат ажилтан цол тэмдгээр 1 хүн тус шагнагдаад байна.

2021 оны байдлаар 450 ажилтнаас дээд боловсролтой 216, тусгай дунд боловсролтой 86, бүрэн дунд 144, Монгол улсын зөвлөх инженер 7, зөвлөх эдийн засагч 1, мэргэшсэн инженер 17, мэргэшсэн нягтлан бодогч 5, мэргэшсэн төсөвчин 3 ажиллаж байна.


2021 онд Төрийн өмчийн хорооноос өгсөн зорилтот түвшингийн үзүүлэлтийг бүрэн ханган биелүүлж, төсөвт нийт 6,2 тэрбум төгрөг төвлөрүүлснээс аймаг орон нутгийн төсөвт 2,0 тэрбум төгрөг төвлөрүүлж, Орхон аймгийн нийт 305 дулааны эрчим хүч хэрэглэгчдээс 100 хувийн сэтгэл ханамжтай ажилласан байна.
 

2022-10-24 16:51:21